Proyectos de cooperación

O proxecto pretende mellorar a seguridade alimentaria, a nutrición e as condicións medioambientais dende o enfoque de XBDH de 8 comunidades indíxenas maias do municipio de Concepción Chiquirichapa, Quetzaltenango-Guatemala. Para isto, plantéxanse tres resultados: R1. Fortalecer as capacidades comunitarias na implementación de novas prácticas de produción agroecolóxicas e conservación do medio ambiente mediante a instalación de hortas e galiñeiros familiares liderados por mulleres e a capacitación das mesmas en técnicas de producción agroecolóxica e coidado de aves, a mellora e mantemento de invernadeiros comunitarios, a capacitación de promotoras/es agropecuarios/as que dean seguimento ás familias e a realización de festivais escolares de sensibilización ambiental; R2. Fortalecer as capacidades da Municipalidade na promoción e implementación de novas prácticas de producción agroecolóxicas e loita contra o cambio climático (reforzo do Viveiro Municipal e capacitación ao persoal técnico de 5 dependencias municipais para a promoción e implementación de campañas de incidencia e sensibilización ambiental con perspectiva de xénero); e R3. Aumentar o recoñecemento social e institucional das mulleres nas prácticas de producción e consumo agroecolóxico, soberanía alimentaria e coidado medioambiental e de saúde a través de ferias de emprendimento de mulleres e de saúde e o fortalecimento ao traballo da Direción Municipal da Muller.