Proyectos de cooperación

Contribuír ao exercicio dunha cidadanía galega comprometida coa xustiza social, a defensa dos dereitos humanos e a promoción do desenvolvemento humano sostible en todo o mundo. a. XIRA DUNHA DAS PROTAGONISTAS DA COLECCIÓN ?DEFENSORAS DE DEREITOS?: Unha das mulleres protagonistas dos libros visitará Galicia e organizaremos con ela un calendario de actividades coas que chegaremos a todo tipo de públicos da provincia, seleccionados estratexicamente. O obxectivo é seguir difundido a colección para seguir xerando unha reflexión crítica pero tamén dar a oportunidade a unha das mulleres protagonistas de falar por voz propia do seu traballo e das súas loitas e tecer redes de apoio que poidan servirlle para aumentar o impacto do seu traballo, dende unha perspectiva máis global. Organizaremos actividades distintas para ser capaces de chegar a público mozo (de secundaria e universitario), representares políticos de vilas e cidades da provincia, tecido asociativo vinculado a cooperación e ao feminismo, lectores e lectoras de librarías e clubs de lectura da provincia, medios de comunicación, etc. b. VISIBILIZAR O CARÁCTER SOLIDARIA DA DEPUTACIÓN. Por outra banda, investiremos parte dos nosos esforzos en dar visibilidade a aposta da Deputación de apoiar proxectos de cooperación con enfoque feminista. O ano pasado, por primeira vez, a Deputación sacou unha liña de axudas para roxectos de cooperación con enfoque feminista, tres foron os proxectos finalmente aprobados, proxectos que nestes momentos están na súa última fase de execución e sobre os que queremos render contas e aos queremos dar visibilidade entre a cidadanía.